تكملت قصة ساره ومحمد

..........&&الفصل الرابع&&..............
مع بدايه فصل جديد .....بداية اخبار سعيده ....
اقبل عبدالله الى امه وهو يقول : مرحبا يمه عندي لكي خبر حلو .....
واتى صوت اخر من الغرفه : عسى اخبارك دووووم حلوة يا ولدي عبدالله.
تفاجأ عبدالله والتفت الى الصوت واذ هي الخالة ام محمد ولم ينتبه لها عندمه دخل .ذهب اليها وسلم عليها واعتذر عن عدم رؤيتها .
تتكلم ام عبدالله : هاه عبدالله بشر وش هي اخبارك الحلوة وبعدين وين نوره ماكانت معاك يوم رحتوااا؟
عبداله : وديتها عند اهلها تبي ترتاح شوي لانها حاااامل بشهرين .
ام عبدالله : مبرووووووووووك الف مبرووووووك يا وليدي .
ام محمد : الف مبروك يا عبدالله وعقبال ما تشوف عيال عيالك ان شاء الله .
عبدالله : الله يسلمك يا خالة وعقبال محمد ان شاء الله .
ام محمد تنظر الى ام عبدالله وتبتسم وتقول : على ايديك يا عبدالله .
عبدالله : ابشري يا خاله هو بس يختار وانا اروح معه وين ما يكون ؟؟
ام محمد : لا مو لازم تروح أي مكان اقعد في بيتك ..........محمد طالب يد اختك ساره !!!
عبدالله : والله !!!!!!! هذه الساعه المباركه ......بس غريبه ماقالي من قبل ؟؟؟
ام محمد : هو قالي والله بيكلمك ....بس انا قلت لا تستعجل خلني اروح ام عبدالله وبعدين اشوف رايها وبعدين هو يجيك عشان ما يحرجك اذا اهلك مو موافقييين .
عبدالله: معقوله ما يوافقون . محمد رجال ماشالله عليه واقرب لي من الاخو بعد .
ام محمد : يعني اقول مبرووووك لمحمد وساره .
عبدالله : قوليها وقوليها عشر بعد .
ام عبدالله : كلوووووووووووووش.
تأتي ساره وهي مستغربه من الزغاريد ساره : اقول وش السالفه ؟؟؟وش عندكم ؟؟هلا خالتي انتي هنا ؟؟؟
ام محمد : هلا سارونه ...كيفك حبيبتي ؟؟؟
ساره : الحمدالله خاله انتي كيفك وين مي ليه ما جت معك .
ام محمد: مي ما جت لان عندي موضوع خاص فيكي وابغى رايك ؟؟؟
ساره : هلا خاله امري ؟؟؟
ام محمد : اقولها يا ام عبدالله ؟؟
ام عبدالله : ايه قوليلها انتي مثل امها وبعدين عبدالله هنا لازم يسمع الرد بنفسه عشان ما يقول اني غصبت اخته .
ساره : اقول هييييييه ترى انا هنا تكلموووون بالالغاز وش السالفه ؟؟؟
ام محمد : السالفه ومافيها يا بنيتي ان ولدي محمد طلب يديك ...ويبيك عروسته ...وش رايك ؟؟؟؟
انصدمت ساره من المفاجأة ذات العيار الثقيل ...محمد اللي تحلم فيه كل ليله طلع يبيها ........ياربي وش اسوي الحين......... اهرب لازم اهرب ........
ام محمد : تعالي ابي اسمع رايك ولدي ما يخوف والله ههههههههههههه
ام عبدالله : هههههههههه ماعليكي هذا دلع بنات انا بروح لها اشوف رايها .
عبدالله : لا يمه انا ودي اروحلها احسن ؟؟؟
ام عبدالله : على راحتك يا وليدي الله يخليكم لبعض .
يذهب عبدالله الى غرفة ساره ...
عبدالله: ساره ممكن ادخل ....؟؟؟؟؟
ساره : هلا حياك .
عبدالله : يعني مستحيه ههههههه ماتوقعت اشوفك كذاههههههههه ياحليلك .
ساره : يوه عبدالله يا شينك .
عبدالله : طيب شكل الاخبار الحلوة تجي مع بعض ابشرك نوره حامل بشهرين.
ساره : والله الف مبروك يعني بصير عمه وناااسه .
عبدالله : الله يزيدن فرح بس اقول وش رايك كلام الخاله؟؟
ساره : أي كلااااااااااااااام ؟؟؟
عبدالله : اقوووووول بلا استعباط بلا ههههههههههههه والله وش رايك ؟؟؟
ساره : مدري عبدالله انت كيفك وانت اخبر به ؟ انا عن نفسي راي رايك .
عبدالله : الله يسلمك . شوفي محمد انا عارفه زين وعشرة عمر وصراحه انا من قلبي كنت اتمناه زوج لك لاني ماراح القى احسن منه عقل ودين وعلم . وانا اقول هذا الكلام بضمانتي . وش قلتي ؟؟؟
ساره : ((تهمس لقلبها : ادري والله يا زينه كامل والكامل وجهه اهه اهه )) احم امممممممم والله براحتك يا عبدالله اللي تشوفه .
عبدالله : اللي اشوفه ان مافي زواج خلاص.
ساره بدهشه : ليه ليه مافي زواج .؟؟؟؟؟؟؟؟
عبدالله : هههههههههههههههههههههههههههه يعني تبين الزواج هاه طلعت منك .
وتحمر خدا ساره وتنظر للاسفل وهي تعض شفتيها .
عبدالله : اقول بس لا تاكلي براطمك ههههههههههه مبروووووك تستاهلين يا ساره والله تستاهلين .
ساره باستحياء: يا سلام وهو بعد ما يستاهل ؟؟
عبدالله : ههههههههههههههههه الا اكييييد يستاهل وين يلقى مثاك بس الله يعينه على لسااااااانك .
يلا انا بروح ابلغ الوالدة وخالتي انك ما تبينه كيفهم عاد انا ماني بغاصبك .
ساره بعيون مدهوشه ........
عبدالله : خلاص خلاص يمه تبي تاكلني بعيوها ههههههههههههههه سمي سمي بقولهم انك موافقه ...اهب كل هذا تبين الفكه منا .
تبتسم ساره ويذهب عبدالله الى والدته وخالته ليبلغهم الخبر السعيد .. في بيت ام محمد كان ام محمد تجلس تتابع التلفاز عندما وصل محمد وهي لم تخبره كان تنتظر حضوره شخصيا لتبلغه الخبر السعيد .
محمد : مساء الخير يالغالية .....وينك ما تردين على تلفون البيت ؟؟؟
ام محمد : توني وصلت قبل شوي . ليه وش عندك ؟
محمد : معقوله يمه وش عندي اللي خبري خبرك هاه وش راي الجماعه ؟؟
ام محمد : يوووووووووه يا محمد اسمحلي نسيت اقولهم اخذتنا السوالف وجت جارتهم ونسيت يا وليدي ؟
محمد : يمه من صدق حراااااام عليكي انا انتظر على ناااااااار وانت نسيتي .
ام محمد : هههههههههههههههههههه ....اقول اصبر واثقل معقوله انا انسى طلب اغلى عياااالي .
محمد: ايه هاه بشري قولي ؟؟؟؟؟
ام محمد : وش رايك يعني انت ولدي احد يقدر يرفضك مستحيييل .
محمد : والله يمه وافقت ساره .
ام محمد : وافقت ساره وام ساره واخو ساره بعد.
محمد : حلو كلمتي عبدالله بعد ؟؟؟ احسن انتي رووعه . ويقبلها على راسها .
ام محمد : الله يخليك لي يا ولدي . الف الف الف مبرووووك . كلوووووووووووووش .
تأتي مي على صوت هذه الزغاريد .
مي : وش السالفه ؟؟؟ ليه ال كلووووووووووووووووش ..؟؟؟
ام محمد : محمد اخوكي بيتزوج باركيله ...
مي : مبرووووووووووووك ..اخيرا سويتها ما بغيت .........وناسه انا اخت المعرس ....الا صدق من هي المسكينه الحظ ؟؟اللي امها داعيه عليها لاني بصير اخت زوجها .؟؟؟
ام محمد : ساره بنت خالتك ام عبدالله ؟
مي: ايش ..ايش .. والله ...والله يمه ....يالخونه ...وانا مدري وش الطبخه ..وعامل اخوي يعني ولاهي يعني رفيقتي واعز صديقه اوريكم .
محمد : لا لاتسوين لها شي انا بكيفك بس هي لا .
مي : ماشالله طلع الحب من الحين ....الله يا دنيا سبحاااااااااان الله والله ما طرى على بالي ؟
محمد : طيب وش رايك باختيااااااااااار اخوكي؟
مي : تبي شهادة مني في ساره اكيييييييييييد مجروحه شهادتي . لان ساره فوق الوصف والخياااااااال .
محمد : يلا مي كلميني عنها انتي اعز صاحباتها يلا .
مي : وكم بتدفع ان شاءالله . ترى انا معلوماتي غالييييييييه .
محمد: اللي تبينه بس تعطيني كل شي بالتفصيل .
مي : طيب بس بروح استأذن منها . اخاف تزعل علي .
محمد : يووووووووه لا تقولي لهلا شي خلاص هونا مانبي أي معلومات .
مي : ههههههههه احسن........ اصلا انا ماكنت بقولك شي هههههههههه.
محمد : طيب يا مي انا بعرف كل شي بمصادري الخاصه ولا ليش اعرف .......مصيرها بتجيني واعرف كل شي بنفسي .
مي : طيب يلا باي بروح اتصل وابارك لها الدبه..
محمد : لو سمحتي احترمي زوجة المستقبل .
مي : هههههههههههههههه بدينا من الحين ...الله يعين .
تنتهي هذه الليله المفرحه ويخلد الجميع الى النوم . وفي غرفة ساره الورديه الصغيرة استقلت على سريرها تفكر بالحدث العظيم الذي حدث .
تهمس ساره لنفسها وتقول (( يا ربي معقول محمد يخطبني يعني كان يبيني او كان يفكر فيني وانا مدري ...سبحان الله . محمد من بين الناس يخطبني . يارب سعدني وياه وحط في قلبه مثل ماله في قلبي . ))
وفي الطرف الاخر محمد يفكر بما سيقدم عليه ويهمس لنفسه (( الله يا ساره اخير صرتي لي وتكوني زوجتي وحبيبتي . ماني مصدق اني بتزوجك . يا رب اسعدني وياها وحط في قلبها مثل مالها في قلبي . ))
كل منهما يناجي على ليلاه ولا يعرفان ان الحب بينهما كبير وان كل منهما يحب الاخر اكثر من نفسه ...ولكن هل سيستمر هذا الحب ...هل ستسير امور زواجهما على خير ....هذا ما سنراه بالفصل الخامس .
&&الفصل الخامس&&
تمر الايام وساره تحلم برفيق الروح محمد واليوم الذي سيجمعها به . فهي لم تحب في حياتها سوى محمد وهو الحب الاول والاخير . تحدد يوم العرس وتحدد يوم الزفاف المنتظر وساره في استغراق تام مابين الكلية والتجهيز مع صديقة العمر مي التي اصبحت اعز واعز وتقاربت صداقتهما . وفي احد الايام قامت ساره بالاتصال بمنزل مي وذلك لتذكرها بموعد ذهابهما للسوق . وتتصل ساره ولكن لم تكن مي هي المجيبه ....
ساره : الو ...
محمد : الو ..
ساره : السلام عليكم.
محمد " وعليكم السلام .
ساره : مي موجوده ؟؟؟
محمد : مين اقولها ؟؟
ساره : انا صديقتها .
محمد : صديقتها من ؟؟
ساره : صديقتها وبس .
محمد : طيب يا صديقتها انتي مالك اسم ؟؟؟
ساره : ((ساره بدأـ بالعصبيه لاعتقادها انه مشعل الاخ الاصغر العابث))الا لي اسم بس مابي اقوله عندك مانع؟؟؟؟
محمد : طيب وليه العصبية هذه ترى سألنا اسمك مو شي ثاني ؟؟
ساره : لا ثاني ولا ثالث لو سمحت بغيت مي رح نادها .
محمد : ليه انا هندي ابوكي رح نادها !!!اقول ترى الكلام له ادب وفن .
ساره : والله الحمدالله متعلمينه من قبلك .
محمد : تصدقين واضح مررررررره .
ساره : انت وش قصدك يعني انا قليلة ادب .
محمد : يوه اعوذ بالله من قال ....لا تفاوليين على نفسك ترى بعدين يصير صدق .
ساره : اقول انا خابره مي محترمه بس ما توقعت عندها اخوان كذا ؟؟؟
محمد : ليه وش فيها اخوانها لو فيهم شي كان ما وافقتي تتزوجيني. صح يا سااااااره؟؟
هنا انصدمت ساره ولم تعد تميز الكلام ورمت السماعه وركضت الى غرفتها ....
اخذ محمد يقهقه عاليا وجاءت مي وهي تقول : انت شفيك ليه تضحك ؟؟
محمد : سلامتك بس تقدرين تقولي اني اجريت احلى والذ مكالمة في عمري .
مي : مكالمة ليه مع من ؟؟؟هيه ترى اقول لساره انك تغازل بالتليفون والله اقولها .
محمد : ياليت تقوليلها ودي اسمع رأيها . يلا مي اتصلي فيها يلا .
مي : عادي والله اقولها..........ما تخاف ؟؟؟
محمد : لا ما اخاف بس شوفي ابغاكي تشغلي السبيكر ابي اسمع صوتها وهي تقول رأيها عني اوكي؟؟
مي : عادي هي بحسبة زوجتك انت مالك عليها عادي اسمعك صوتها بس لا تتكلم عشان ما تعرف انك هنا .
محمد : تم ...بس قوليلها انا ضبطت محمد يغازل وحده من خوياتي قبل شوي ابي اعرف رأيك ..اوكي ؟؟
مي : اوكي
تتصل مي ولكن على موبايل ساره اسهل وترد ساره وتشغل مي السبيكر .
ساره : الو...
مي : الو ساره مرحبا كيفك؟
ساره : مي انتي وينك ؟؟
مي : انا موجوده بس صراحه انا جايبه لك خبر شين صراحه ؟؟
ساره : خبر شين الله يستر ليه ؟؟
مي : زوج المستقبل حقك ضبطته ....
ساره : يووووه اسكتي تكفين لا تجيبين سيرة زوج المستقبل يا فضحي فضحاااه .
مي : يا بنت اقولك ضبطته يغازل وحده من خوياتي قبل اشوي بالتلفون ويضحك عقب ما سكره ؟
ساره : ههههههههههههههههه مي انا الوحده اللي غازلهاااااااااااااااا يوه يوه يوه فشلللللللللله .
تتسع عيون مي وهي تنظر الى اخيها محمد وهو يبتسم ويلوح لها بان تستمر .
مي : هاه طلع انتي ؟؟؟ اقول ساره لا تقولين شي خلاص ترى محمد جالس عندي ويسمع كلامك لا تبطين بكلامك بعدين يطلقك مو ناقصه يصير طلاقكم ذنب برقبتي .
ساره : وشو ؟؟؟مي والله اوريكي . يالشينه ............... وتغلق الهاتف
يضحك محمد عاااااليا ومي كذلك ...وتقول مي : يا ويلي الحين بتزعل علي .
محمد : يا زين كلامها ...يا ناس تهبل هالبنت تهبل وهي معصبه .
مي : اقول يا قيس شكلها تبي تطيح براسي رح قم اشتر لي هديه اراضيها فيها لا تذبحني ترى انت ما تعرف زوجتك المستقبليه الله يعينك .
محمد : الله يعيني!!!!!! من صدقك انتي ؟؟ الا قولي يا هنيك يا بختك . ولا يهمك متى بتروحين لها ؟؟
مي : المفروض متواعدين بعد شوي الساعه 5 بروح شغل .
محمد : طيب الساعه الحين ثلاث يعني عندي ساعتين انا بروح اشتري لها هديه وقولي محمد يطلب الرضى . اوكي ؟
مي : هاه ايه وناسه ...متى انا يصير لي كذا بعد ؟؟؟
محمد : اقول وجع ......انتي ما راح يصير لك كذا لانك بتعنسي هههههههههههههههه
مي : وجع بقلب العدو ....يهب يا وجهه تفاؤلوا بالخير تجدوه .
محمد : اقول بس عن الهذره الزايده وانا بعد ساعه ونص بكون عندك .
مي : اوكي خير ان شاء الله . يا بختك يا ساره .
يذهب محمد ويخنار هديه رقيقه لساره ويعود الى المنزل ويعطيها الى مي لتهديها ساره . وتذهب مي الى منزل الخاله لموعدها مع ساره . تفتح ساره الباب لمي ..
ساره : اهلين بالنصابه تعالي انا اوريكي .
مي : اسمعيني انا بوجهك تكفين ...والله مالي ذنب هو اللي قال بسمعها ..يعني روحي تفاهمي مع زوجك انا مجرد مرسول وبس والله تكفين .
ساره : والله مرسول هاه.
مي : طيب تاخذين هذه الهديه وتسكتين .
ساره : هديه !!!! ليه وشو المناسبه ؟؟؟؟
مي : طال عمرك هذه هديه من الزوج الغالي عشان زعلتي منه .
ساره : يا ويل قلبي اها اها انا ازعل من حالي ولا ازعل منه .
وتفتح ساره الهديه الت كانت مغلفة في علبة انيقه واذا هي ورده حمراء على ديوان شعر لمجموعة من الشعراء الذين تحبهم وعندما فتحت الديوان وجدت مكتوب على الصفحه الاولى منه ...
الى الحبيبه الغاليه ...ساره
اتمنى ان تقبلي هديتي المتواضعه هذه وانا اهدي لك جميع قصائد الحب فيها .
على فكرة ...صوتك حلو مثل صاحبته ....كانت احلى مكالمة في حياتي ..
المحب ......محمد
غلب ساره عند قراءة هذه الكلمات مشاعر الحب الجارف تجاه هذا الشخص وعرفت انها لن تحب ابدا انسانا لا قبله ولا بعده وادركت انها له وهو لها .
تابعت مي وساره يومهما وانتهت ساره من اعمالها ذلك اليوم وودعت مي.
وفي المساء ذهبت ساره الى غرفتها لتنام على وسادتها وهي تقرأ ديوان حبيبها محمد وتبحر في حروف الشعر والحب التي اهداها لها محمد وتقبل خط يده وتشم وردته النديه .
ويقترب موعد الزفاف اكثر واكثر...............
وقبل الزفاف بليلة واحده وعندما كانت ساره في غرفتها ترتب مابقي من اشيائهاوفي اوج توترها وفرحها بنفس الوقت تدخل عليها نوره التي اصبحت الان في شهرها السابع
&&الفصل السادس&&
جاء نوره الى ساره في غرفتها كما قلنا قبل الزفاف بليلة واحده .....تطرق الباب ...
نوره : مرحبا ساره انتي صاحيه ما نمتي ؟؟؟
ساره : هلا نوره حياكي ..من اللي يجيه النوم ؟؟؟هههههههههههه
نوره: أي والله صادقه . الله يوفقك يا رب .
ساره : الله يسلمك .
نوره : تحتاجين شي . ؟؟
ساره: لا سلامتك خلصت تقريبا . بعدين انتي اللي يشوف كرشتك وين يطلب مساعدتك هههههههههههههه
نوره : هههههههههههههه الله يسامحك يا ساره ....طيب يعني بكرا نشوفك .
اصطبغت لون خدود ساره بالاحمر ..ونظرت الى الاسفل .
نوره: يحليلك استحيتي ؟؟طيب انا صراحه جايه اقولك الله يعينك يا رب .
ساره: الله يعيني ؟؟؟ ليه انا رايحه حرب ههههههههههه
نوره : والله صراحه اكبر من الحرب يا ساره .
ساره : ليه الزواج يخوف كذا .
نوره: صراحه مدري وش اقولك . انما شايفتك الحين والفرحه بعيونك وماودي اخرب السعاده هذي انتي راح تكتشفي كل شي لحالك .
ساره : تخربين السعادة ؟؟؟؟ اكتشف كل شي ؟؟؟ نوره ترى كلامك صاير الغاز شسالفه فهميني ؟؟
نوره : سلامتك خلاص مافي شي . يلا تصبحي على خير .
ساره : لا حبيبتي انتي ما تفجري القنبله وتروحين تعالي انا احلفك تقولين الصراحه وكل شي عندك .
نوره : لا حول ...يعني لازم تحلفين ...طيب امري لله .
ساره : قولي يا نوره انا مثل اختك واكيد ما تخبين أي شي علي .
نوره : اكيد ولو انك مو مثل اختي كان ما جيت هنا هذه اللحظه .
ساره: طيب قولي وش عندك ..
نوره : انتي تعرفين يا ساره انك داخله على حياه جديده ..وكل حياه فيها الحلو والمر .
ساره : ما فهمت وش قصدك .
نوره : طيب قصدي انك راح تتزوجي رجال وكلنا هنا ما نعرف ازواجنا عدل الا بعد الزواج صح ؟
ساره: صح .
نوره : عشان كذا لا تتضايقي لما تشوفي ان الصورة الحلوة اللي رسمتيها لزوج المستقبل ممكن يكون فيها تغييير ومرات تغيير بسيط وهذا عادي ولكن مرات تغيير كبير وهذا اللي الله يستر منه .
ساره: انتي قصدك محمد ممكن يكون فيه شي . ؟؟؟
نوره : شوفي ساره انتي مو صغيره ماشالله عليكي 19 سنه عشان كذا انا بكون صريحه معاكي . ترى محمد مو مثل ماانتي متوقعته انه رجال شريف ورزين وتقي وماشالله عليه صدقيني مافي احد كامل .
ساره : ليه انتي شايفه عليه شي ؟؟؟
نوره : قولي اشياء مو شي .
ساره : معقول .!!!!!!
نوره : ساره انا ابيكي توعديني وتحلفي انك اولا ما تزعلي وثانيا ما تقولي الكلام اللي بقوله لك لاحد.
ساره : اوعدك واحلفلك بالله . بس قولي خوفتيني .
نوره : صراحه انا اغلب معلوماتي من بنت خالكم علياء لااني انا شخصيا ما اعرف محمد . بس للاسف سمعت عنه اشياء مو زينه . اذا ما تدرين ترى محمد تقريبا كان يجي الكليه عندنا على طول وفي بنات طايشه بالكليه يقولون انهن على علاقه معاه وانه عنده مليون صديقه . وانه اعوذ بالله يشرب خمره وما يلتزم بالصلاه ومغازلجي درجه اولى هذا اللي سمعته .
ساره بذهول : مستحييييييييل محمد يكون كذا .
نوره : انا بعد ما صدقت اول شي ......بس صراحه في شي اكدلي كلامهن .
ساره : وشو ؟؟؟؟
نوره : اخوكي عبدالله .
ساره : اخوي عبدالله ؟؟؟؟؟مستحيل هذا صديق عمره .
نوره :عشان كذا انا حلفتك ما تقولي لاحد . خصوصا عبدالله تراه حلفني مااقولك شي وتنصدمين انتي بس انا ما رضيت واذا قلتيله أي شي من الللي بقوله راح تعملين مشاكل بيني وبين اخوكي وانتي ما ترضييين ولا تنسين اللي ببطني حرام وش ذنبه .
ساره: انا قلتلك ما راح اقول لاحد شي بس كملي .
نوره : طيب امري لله ...صراحه انا سألت عبدالله عن محمد وقلت اني سمعت عنه سوالف ..عبدالله رد علي وقال ان هذا ولد خالته ولازم يستر عليه وانه مالقى احسن منك يا ساره تهدينه وتعقلينه . وبعدين هو ما يبي ولد خالته يتبهدل مع ناس ثانيين ممكن يفضحونه اذا تزوج منهم لكن انتي قال انك عاقله وانك قد المسؤولية
وراح تخلينه احسن رجال ان شاء الله . وعشان كذا انا قلت الله يعينك وديري بالك على حالك ولا تخلينه يدخلك باي نوع من انواع المعاصي معاه . اوكي حبيبتي .
ساره ترد وهي ذاهله وفي عالم اخر يملأها الالم : اوكي تسلمين يا نوره على انك فتحتي عيوني وقلبي قبل ما انخدع . تسلمين صحيح انك اخت وفيه .
نوره : انا ما سويت الا واجب الاخت على اختها . يلا تصبحين على خير حبيبتي بكرا وراك شغل جامد .
ساره : وانتي من اهله . الله يعين .
تغادر نوره الغرفه بعد ان زرعت اشواكها السامه في قلب ساره الرقيق ووضعت اول عقبه في طريق ساره قبل ان تبدأ هذا الطريق وذلك لانها حاقده عليها وكارهة لها السعادة وهذه كانت فكرتها وفكره علياء ,,,وللاسف كان كلام نوره مقنع واستطاع انفوذ الى قلب ساره والتعمق فيه .
بدأ الصباح ودخلت ام عبدالله غرفة ساره لتوقظها ....ووجدتها مستيقظه تحملق الى سقف غرفتها وعيونها حمراء بسبب البكاء اضافة الى الهالات السوداء التي ظهرت بسبة قلة النوم .
ام عبدالله : ساره حبيبتي انتي صاحيه ؟؟؟
ساره : هلا يما ايه ماقدرت انام .
ام عبدالله : ليه عسى ما شر حبيبتي ؟؟؟
ساره : سلامتك يما بس يمكن لاني خايفه ومابي افقدكم .
ام عبدالله : سمالله عليكي يا بينتي ماراح يصير الا كل خير ان شاء الله .
ساره تهمس بقلبها (( أي خير يا يمه ليتك تدرين بس اهه)).
ام عبدالله : لا قومي الحين واستحمي يا بنيتي وصلي ركعتين ...بعد شوي راح يوديكي عبدالله الصالون .
ساره : أي والله الصلاه احسن شي اليوم ....الله يعين .
ام عبدالله : انا بروح اجيب الفطور عشان تقدرين تتحملين اليوم هذا ..والله وشفتك عروس يا سارونه .
ساره : لا تعبي حالك يا يمه مااقدر اكل شي حاسه ان نفسي مسدوده .
ام عبدالله : لا لازم تاكلي لو اوكلك غصب يعني راح تاكلي .
ساره : كيفك بمه بس صدقيني لا تعبي حالك .
تمشي ساره تخرج من الغرفه لتستحم وقلبها مملؤء بالحزن من سم العقرب نوره الذي زرعته فيها . تستحم وتختلط دموعها مع حبات الماء على جبينها تبكي وهي تهمس وتقول ((لماذا بعد ان احببت ورسمت صورة جميله تمحى هذه الصورة بلحظه ....لما حظي هكذا ماذا جنيت ...كيف ابدأ حياتي بالكره بدل الحب ...لماذا لم امت قبل ان اتزوج ...واعيش على خدعه كبيره اسمها حب محمد ....يا ليتني لم اعرفك يا محمد وياليتك لم تكن ابن خالتي )).
في السياره عبدالله والى جواره نوره وبالخلف ساره .
عبدالله : اليوم يومك يا حلو . ولا ترد ساره بل اصبحت واجمه مرتدية قناع ثلجي جامد .
نوره : يوه مو وقته يا عبدالله ساره متوترة الحين ومو يمك صح يا سارونه ؟؟
ساره بصوت خالي من أي مشاعر: ايه ... صح .
عبدالله : ساره وشفيكي يا اختي مو هذه ساره اللي اعرفها كأني موديكي الى القبر مو الصالون ..ترى هذا زواج مو جنازه يا سارونه .
تبتسم ساره ابتسامه استهزاء وتهمس بقلبها (( ماشالله عليك يا عبدالله والله وتضبط التمثيل صح ..مسوي حالك مبسوط عشاني وانت اللي حطيتني بالموقف هذا كله ...وانت اللي تعرف انه قبر اللي بروحله ...وساكت وتخدعني بكلامك الحلو هذا وابتسامتك الزائفه ... الله يا الدنيا .))
عبدالله : ساره ...امانه ردي ابي اشوف اختي الصغيرونه اللي اعرفها ردي يالغلا ردي بكلمة من كلماتك الحلوة ..ابي نظره غير هذه اللي بعيونك ...
ساره : ما اقدر امثل يا عبدالله اعذرني .
عبدالله : ساره اكيد فيكي شي ...مو انتي ساره اللي خليتها البارح ...انتي متضايقه من شي ؟؟؟
نوره : يووووووه يا عبدالله انت شفيك على البنت حرام عليك خلها بحالها مو شويه اللي داخله عليه .
عبدالله : ادري بس ما يحتاج الحزن هذه كله انا اعرف ساره ....ساره حزينه يا نوره مو متوترة انا اعرفها من عيونها ...ساره تكلمي يااختي .
ساره تبدأ البكاء بصمت وهي غير قادرة على الكلام لانها ودعت نوره بعدم تهديم بيتها وتذرف الدموع بسكون.
نوره : شفيك عبدالله الله يهديك اكيد ساره زعلانه وحزينه مرررة بعد شرايك راح تفارقك وتفارق امك وهي اللي تعودت ما تخليكم ساعه وحده لحالكم.
عبدالله : صح كلام نوره يا ساره هذا اللي مضايقك ....؟؟.....ردي ....ردي يا سارونه .
ساره : ايه هذا اللي مضايقني يا عبدالله ولاشي غيره ..سلامتك يالغالي .
عبدالله : الله يسلمك ويسعدك ويحفظك ويوفقك يا رب .
نوره : ايه هذه الدعوات اللي تحتاجها ساره الحين .
تدخل مي الصالون بعد ان انتهت من الترتيبات في بيتهم وتذهب مباشرة الى ساره بعد ان انتهت من وضع المكياج..
مي: ماشالله ..ماشالله قمر...... قمر .......بسم الله....ايش هذا كله .
ساره : هلا مي وينك تأخرتي .
مي : سلامتك بس تعرفي ترتيبات البيت وغيره . بس صراحه انتي طالعه قمر لا اله الا الله ..محمد راح يتجنن ..حرام عليكي يا شيخه اخوي مو حمل جمال زي كذا خفي عليه .
ساره((تهمس يعني ما يعرف بنات من قبل يعني ولا شافهن بمكياج وهو اربع وعشرين ساعه معاهن )) : خليك من هالكلام انتي متى راح تحطي المكياج ؟
مي : الحين بروح بس حبيت اسلم عليكي يا احلى عروس . وكان ودي اقعد معاك واوصلك بنفسي الصاله بس تعرفين امي وخالتي ما عندهن احد هناك بالصاله .
ساره : ما تقصرين يا مي بس نوره قايمه بالواجب واكثر الله يعينها مع انها حامل بالسابع بس ما قصرت .
مي : طيب انا اخليكي واشوفك بالصاله . .
و في مكان اخر من المنطقه نفسها محمد يستعد ويتجهز لعرسه ويهمس لقلبه (( اخيرا وصل اليوم اللي بكحل عيوني بساره ...ساره زوجتي.... زوجتي ....زوجتي الله ما احلى هالكلمة .
راح اقدر اضمها والمس كفوفها ويجمعنا سقف واحد واعبر لها عن حبي لها وشوقي والجمر اللي ذاقه قلبي على ابعادها . الله يوفقنا يا رب .
تبدأ صيحات المعازيم والاصوات تتعالى والموسيقى تصدح في ارجاء الصاله ....الجميع مبسوط وفرح فاليوم زواج اجمل عروسين محمد الغالي وساره الحلوة ...
ام محمد تتنقل بين المعازيم مزهوة بنفسها فهي ام العريس اليوم وتتحدث الى هذه وتبتسم الى تلك وتؤشر الى الاخرى وهكذا ...وبزاوية اخرى ام عبدالله تبدو سعيدة كذلك ولكن يشوبها بعض الحزن لافتقادها الى ابنتها الوحيده والعزيزة على قلبها التي لم تركها لحظة واحدة ...ولكن لانها ستكون عند محمد فهذا يخفف الحزن . ومي كذلك تتمشى بارجاء الصاله وهي بلا شك اليوم نجمة الحفل وذلك لجمالها وجمال فستانها الاحمر وشعرها لاسود وقوامها الممشوق وهي تبتسم وترحب بالجميع .
تبدا الموسيقى الخاصه بإدخال العروس ....ويفتح الباب وتدخل ساره في اوج جمالها تصطحبها نوره وتتركها تمشي الى الكوشه . ينظر الجميع بابهار الى جمال ساره النادر وروعتها والكل يهمس ماشالله . فقد كانت ملكة للجمال بهذا اليوم ولكن مازالت نظرة الحزن لم تفارقها ...
بعد لحظات وبعد انتهاء صديقات ساره من إلقاء التحية عليها ومباركتها ...يبدأ دخول العريس محمد الى الصاله ...كما انبهر الجميع بساره كان محمد لا يقل وسامة بطوله الفارع ومنكبيه العرضيين وعيونه السؤداء الواسعه وجمال وجهه ...تقدم وتقدم نحو ساره العروس المنتظره ....
ينقبض قلب ساره في هذه اللحظه وتدرك ان العرس حقيقي وليس مجرد حلم كما كانت تتمنى ولا تقوى على النظر الى عريسها لانها تخاف ان تفضحها دموعها .
يقترب محمد ويجلس بقرب عروسه وينظر اليها للمرة الاولى بدون خوف او ترقب وينظر وينصدم لجمالها الباهر كانها حورية من اجمل البحار وكانها رسمة رسمت بلوحة فنان ..تلك العيون العسليه والانف الدقيق الصغير والفم الجميل الممتلئ الصغير . يبارك لنفسه على هذه العروس ويهمس لها ((الف مبروك يا ساره )).
لا ترد عليه ساره وهي تعرف ان الوف مؤلفه من ازواج العيون تنظر لها .
يرجع محمد ويقول : ترى محد قالي انك طرما اللي اعرفه ان لسان يطول اذانك .
تبتسم ساره غصب عنها حتى لا تثير الشكوك .
محمد : اشوى الحمدالله ابتسمتي هذه كافيه علي من أي كلمة .
تهمس سارة لقلبها ((ايه قول قول من هالكلام اكيد عندك منه بالملايين عبالك وحده اياهم )).
يبدأ العروسين بالخروج من الصالة ....يتوجهان الى سيارة عبدالله الذي ينتظرهما بداخلها ...يركبانها ويتوجهان الى الفندق لقضاء ليلة العمر .
وفي الفندق .....حجز محمد جناح كامل حتى تأخذ سارة حريتها .......واخيرا اغلق الباب واصبحا لوحدهما ...
ماذا حدث في ليلة الزفاف هذا ما سنعرفه في الفصل السابع ؟؟؟؟
تحياتي