تحية للدكتور / عصام شرف

من طرف ناصر المتولى الخميس مايو 19, 2011 4:26 am

تحية للدكتور / عصام شرف

جيت فى وقتك يا شرف *** تنشر الخير والشرف
تِجرى بِينا من ماضينـا *** اللِّى كان مليان قرف
جيت فى وقتك ياشرف
...هو دا الحاكم بجد *** اللِّى ما بيظلمش حد
اللِّى ما يفقرش شعبه *** وهو عايش فى الترف
جيت فى وقتك ياشرف
كنا فى الماضى فى إهانه *** ناكل العيش بالمهانة
واللِّى يشكى واللِّى يبكى *** فى المعاقل يِنجرف
جيت فى وقتك ياشرف*
جيت فى وقتك يا عفيف *** يابو قلب أبيض نضيف
لجل ناس كرهوا حياتهم *** ملوا نومهم ع الرصيف
جيت فى وقتك يا عفيف*
جيت تعيد شكل الرغيف *** اللِّى كان فعلا رغيف
قمح مصرى مش مسرطن*** وزنه كامل مش نحيف
جيت فى وقتك يا عفيف
الأمل عاد لما جيت *** والثقة فينا بنيت
عاد ربيعنا من جديد *** بعد ما طال الخريف
جيت فى وقتك يا عفيف
ابنى على مش تخاف *** احمى مصر من الجفاف
ازرع احصد ويا شعبك *** دا احنا عشنا سنين عجاف
ابنى على مش تخاف
احنا وياك ع الطريق *** ننقذ اللى كان غريق
ننصف الحر البرىء *** احنا قوة مش ضعاف
ابنى على مش تخاف*
رجع المسروق لنا *** احنا أولى بحقنا
واللى جاى نحميه أكيد *** بالأسود مش بالخراف

ناصر المتولى أحمد
مدرس اللغة العربية
مدرسة السنبلاوين الثانوية بنات
Katib2010@yahoo.com
0169471512

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30